Մեր մասին

«Վերելք 777» ՍՊԸ-ն հիմնադրվել է 2018 թվականին՝ նպատակ ունենալով առաջարկել ժամանակակից, որակյալ և վստահելի կառուցապատում։ Հիմնադրման պահից ի վեր ընկերությունը կայուն զարգացում է ապրել՝ ամրապնդելով իր դիրքը շինարարական ոլորտում և ձեռք բերելով հաճախորդների վստահությունը։

Մեր առաջին նախագիծը՝ Աճառյան 4/4 հասցեում կառուցված բազմաբնակարան բնակելի շենքը, մեկնարկեց 2018 թվականին և հաջողությամբ ավարտվեց ընդամենը մեկ տարի անց։ Նախագծի հաջող իրականացումը հիմք հանդիսացավ հետագա աճի ու նորամուծությունների համար։

2020 թվականին ավարտին հասցվեց մեր հաջորդ կարևոր նախաձեռնությունը՝ թաունհաուսների ժամանակակից համալիրն Աճառյան 35/74 հասցեում, որն իրատեսական ժամանակացույցով շահագործման հանձնվեց մեկ տարվա ընթացքում։

Շարունակելով զարգացման ուղին՝ «Վերելք 777»-ը նոր շնչով մեկնարկեց մի ամբողջ թաղամասի կառուցապատում Առինջ համայնքում։ Վահան Տերյան 1-ին փողոցում կառուցված բազմաբնակարան շենքերը՝ 9, 9/1, 9/2 և 9/3 հասցեներում, հերթական անգամ հաստատեցին մեր ընկերության հուսալիությունն ու հետևողականությունը։

Մեր բոլոր նախագծերն ավարտվել են սահմանված ժամկետներում, ինչը հիմք է դարձել սպառողների գոհունակության և մեր ապրանքանիշի նկատմամբ վստահության ձևավորման համար։

Այսօր «Վերելք 777»-ը կյանքի է կոչում իր նոր՝ հավակնոտ և ծավալուն նախաձեռնությունը՝ «Վերելք» թաղամասը, որը կառուցվում է Առինջ համայնքում՝ Մհեր Մկրտչյան 13 փ․ 6-10 հասցում։

Թաղամասը գտնվում է Երևանի անմիջական հարևանությամբ և բաժանվում է մայրաքաղաքից ընդամենը մեկ փողոցով՝ համատեղելով քաղաքի դինամիկան ու մերձքաղաքային խաղաղությունը։ «Վերելք» թաղամասը մեր տեսլականն է՝ ստեղծել բարձրարժեք, հասանելի և հարմարավետ բնակելի միջավայր՝ ժամանակակից ընտանիքների համար։